Ես Ուկրաինայի հետագա ֆինանսավորման ցանկություն չունեմ. ԱՄՆ Ներկայացուցիչների պալատի խոսնակ
Ես Ուկրաինայի հետագա ֆինանսավորման ցանկություն չունեմ և հուսով եմ, որ դրա կարիքը չի լինի։ Այս մասին Punchbowl News-ին ասել է ԱՄՆ Կոնգրեսի Ներկայացուցիչների պալատի խոսնակ Մայք Ջոնսոնը։
Հանրապետական բարձրաստիճան պաշտոնյան կարծիք է հայտնել, որ ընտրություններում Թրամփի հաղթանակը կարող է հանգեցնել պատերազմի ավարտի։
«Եթե նախագահ Թրամփը հաղթի, ես հավատում եմ, որ նա իսկապես կարող է վերջ տալ այս հակամարտությանը: Կարծում եմ՝ նա կզանգի Պուտինին ու կասի, որ հերիք է»,- ասել է Ջոնսոնը։
Նրա կարծիքով, եթե ընտրություններում հաղթանակ տանի Քամալա Հարիսը, հակամարտությունը կարող է ձգձգվել, ինչը Ջոնսոնն անվանել է «հուսահատ և վտանգավոր սցենար»։
