Իսրայելը փորձել է սպանել Հըզբոլահի հավանական իրավահաջորդ՝Հաշեմ Սաֆի ադ Դինին. ԶԼՄ
Իսրայելական բանակը գիշերը մոտ 20 հարված է հասցրել Բեյրութի օդանավակայանի մերձակայքում գտնվող թաղամասին.
Հարձակման թիրախը եղել է Հըզբոլլահի գլխավոր քարտուղար Նասրալլայի հավանական իրավահաջորդը՝ Հաշեմ Սաֆի ադ-Դինը, գրում են լրատվամիջոցները՝ վկայակոչելով իսրայելական պաշտոնյաներին։ Նա ողջ է մնացել, թե ոչ՝ դեռ հայտնի չէ։ Որոշ լրատվամիջոցներ հաղորդում են նաև ՀԱՄԱՍ շարժման հրամանատարի մահվան մասին Հորդանան գետի Արևմտյան ափին, որտեղ գրանցվել են նաև Իսրայելի հարձակումները։
Լիբանանում վերջին 24 ժամվա ընթացքում ավիահարվածների հետևանքով զոհվել է 37, վիրավորվել՝ 151 մարդ, հայտնում է հանրապետության առողջապահության նախարարությունը։
