Ռուսաստանի բնակիչների առավոտը սկսվեց բարձր շչակների հնչյունների ներքո: Առավոտյան տեղական ժամանակով ժամը 10:30 — ից մինչեւ 11:00 - ն միացել են ազդանշաններն ու բարձրախոսները, իսկ հիմնական հեռուստա- ռադիոալիքները կարճ ժամանակով դադարեցրել են իրենց եթերը:

ՌԴ ԱԻՆ-ում հիշեցնում են՝ վախենալու ոչինչ չկա, նման ստուգումները պարբերաբար են անցկացվում. մասնագետների համար կարեւոր է համոզվել, որ նախազգուշացման բոլոր միջոցներն աշխատում են ճիշտ: Սա նշանակում է, որ իրական արտակարգ իրավիճակի, երկրաշարժի կամ տեխնածին վթարի դեպքում, տեղեկատվությունը հնարավորինս արագ հասցվի մարդկանց: