«Կարծում եմ` Արդարադատության նախարարարը սահմանադրություն չի կարդացել». Քոչարյան
Ես կուզեի, որ Գրիգոր Մինասյանը Սահմանադրություն կարդար. ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյան
ՔՊ–ական պատգամավորը կարծում է, որ արդարադատության նախարարը Սահմանադրությունը չի կարդացել։ Մինասյանը, նրա խոսքով, ԱԺ–ում շատ անթույլատրելի, վտանգավոր հայտարարություն է արել, ասել է` ԱԺ պատգամավորները խարդավանքներով են զբաղված։
«Կարծում եմ` եթե պարոն Մինասյանը մնալու է նախարար, պետք է գա այստեղ բացատրություն տա»։
ՔՊ–ական որոշ պատգամավորներ ստորագրահավաք են սկսել արդարադատության նախարար Գրիգոր Մինասյանին պաշտոնանկ անելու դիմումը Նիկոլ Փաշինյանին ներկայացնելու համար։
