Ֆրանսիայի վարչապետը հայտնել է, որ երկրի պարտքը գերազանցել է 3 տրիլիոն եվրոն

Ֆրանսիայի պետական ​​պարտքը գերազանցել է 3 տրիլիոն եվրոն, իսկ երկրի տնտեսությունը ծայրահեղ ծանր վիճակում է։
 Այս մասին France 2 հեռուստաալիքի եթերում հայտարարել է հանրապետության վարչապետ Միշել Բարնիեն։

«Մեր երկիրն անցնում է չափազանց բարդ ճանապարհ. Ֆրանսիայի պարտքը կազմում է 3 տրիլիոն եվրո, և դրա սպասարկումն արժե ավելի քան 50 միլիարդ եվրո»:

Հեռուստաալիքի տվյալներով՝ Ֆրանսիայի պետական ​​պարտքը կազմում է գրեթե 3,16 տրլն եվրո։

Բարնյեն ընդգծել է, որ «կառավարությունը թույլ չի տա ո՛չ պետական ​​պարտքի ավելացում, ո՛չ բնապահպանական պահանջների կրճատում»։ Կառավարությունը կձգտի վերահսկել ծախսերը և պահպանել կենսաթոշակային բարեփոխումները, հավելել է նա։

Նրա խոսքով, առաջնահերթ ուշադրություն է դարձվելու առողջապահական համակարգին և ներգաղթի վերահսկմանը։

Կառավարության ղեկավարը չի բացառել ամենահարուստ ֆրանսիացիների եկամուտների հարկերի բարձրացումը։ «Չեմ բացառի, որ ամենահարուստ համաքաղաքացիներից կարող է պահանջվել մասնակցել տնտեսական իրավիճակի կարգավորմանն ուղղված միջոցառումներին»,- նշեց նա։