Չինացի կին պաշտոնյան աշխատանքի է ընդունել իր սիրեկաններից 58-ին։ Նա պատիժ է ստացել կոռուպցիայի համար, գրում է South China Morning Post-ը։

52-ամյա Չժոն Յանը դատապարտվել է 13 տարվա ազատազրկման «անօրինական արարքների» համար, այդ թվում՝ իր տասնյակ աշխատակիցների հետ սեռական հարաբերություններ ունենալու և ավելի քան ութ միլիոն դոլար կաշառք ստանալու համար։ Իր սիրեկանների հետ ժամանակ անցկացնելու համար նա հաճախ ստում էր «արտաժամյա» և «գործուղումների» մասին։

NetEase News-ը գրում է, որ որոշ տղամարդիկ սեռական հարաբերությունների մեջ են մտել պաշտոնյայի հետ «նրա հեղինակությունից վախենալով»։