Իրանի դեսպանի մոտ պայթած փեյջերը պատկանել է նրա ուղեկցորդներից մեկին
Կապի սարքը, որի պայթյունից տուժել էր Բեյրութում Իրանի դեսպան Մոջթաբա Ամանին, պատկանում էր նրան ուղեկցողներից մեկին։ Այս մասին հայտնել է Al Mayadeen հեռուստաալիքը։
Ըստ հեռուստաալիքի՝ դեսպանն ինքը փեյջեր չունի:
Ավելի վաղ ԶԼՄ-ները հայտնել էին, որ Բեյրութում Իրանի դիվանագիտական ներկայացուցչության ղեկավարը վիրավորվել է կապի սարքի պայթյունից։ Ավելի ուշ IRNA գործակալությունը պարզաբանել է, որ դիվանագետը թեթեւ վնասվածքներ է ստացել, նրա կյանքին վտանգ չի սպառնում։ Իսլամական Հանրապետության դիվանագիտական առաքելությունը X սոցիալական ցանցի իր էջում հաստատել է, որ «դեսպանի ընդհանուր վիճակը անհանգստություն չի առաջացնում»։
