ՀՀ-ն անհանգստացած չէ՞, որ Ադրբեջանն ագրեսիա կնախաձեռնի. Քոչարյանը պատասխանում է

Ազգային ժողովում տեղի է ունենում ԱԺ խմբակցությունների ճեպազրույցները: Լրագրողը հարց ուղղեց` ՀՀ-ն անհանգստացած չէ՞, որ Ադրբեջանն ագրեսիա կնախաձեռնի, ի՞նչ մտավախություններ պիտի ունենա հանրությունը: Հարցին պատասխանեց «Քաղաքացիական պայմանագիր» խմբակցության պատգամավոր Անդրանիկ Քոչարյանը.

«Իհարկե, մենք էլ ենք անհանգստացած այն մեծ ծավալի սպառազինության ձեռքբերման հարցերով, որոնք Ադրբեջանն իրականացնում է` ընդ որում, տարբեր երկրներից: Եվ եթե ժամանակին Հայաստանի նախկին իշխանությունները անհանգստացած լինեին, 44-օրյա պատերազմի ընթացքում մեր պահեստները կլինեին լիքը, մեր զորակոչային ռեսուրսը կլիներ ավելի պատրաստված, և բավականին խնդիրների մենք պատրաստված կլինեինք, և ոչ թե կկանգնեինք բանկա բութուլկեքի հետևում»,-ասել Է Քոչարյանը և հավելել.

«Այո, մենք անհանգստացած ենք, դրա համար էլ անում ենք այնպիսի ծրագրեր, որպեսզի կարողանանք կանխել նման ցանկացած ցանկություն: Բայց անհանգստության մասին պետք չի շատ խոսել, պետք է գործել, աշխատել»: