11830 արական սեռի անչափահաս հրաժարվել է ՀՀ քաղաքացիությունից. FIP

«Փաստերի ստուգման հարթակը» գրում է, որ Հայաստանում 2018-2024 թվականներին արական սեռի 11,830 ներկայացուցիչ հրաժարվել են իրենց քաղաքացիությունից:

Հարթակը հարցմամբ դիմել էր ՀՀ ներքին գործերի նախարարության Միգրացիայի և քաղաքացիության ծառայություն, որին ի պատասխան հայտնել են, որ  2018-2024 թվականների ընթացքում ՀՀ քաղաքացիությունից հրաժարվել է մինչև 18 տարեկան արական սեռի 11,830 անձ։

2018 թ․-ին դադարեցվել է 1899 ՀՀ քաղաքացու քաղաքացիություն։

ՀՀ քաղաքացիությունից հրաժարված արական սեռի անձանց ամենամեծ թիվը կազմել է 2019 թվականին՝ 2264 անձ։

2020 թ․-ին Հայաստանի քաղաքացիությունից հրաժարվել է 1543 անձ, 2021 թ․-ին՝ 2056, 2022 թ․-ին` 1953, իսկ 2023 թ․-ին 1625 արական սեռի անչափահասների ՀՀ քաղաքացիությունն է դադարեցվել։ 
2024 թ․ օգոստոսի 1-ի դրությամբ 490 մինչև 18 տարին լրացած արական սեռի անձ է հրաժարվել ՀՀ քաղաքացիությունից։

Այսպիսով, 2024-ի ութ ամիսների վիճակագրությունը ցույց է տալիս, որ ՀՀ քաղաքացիությունից հրաժարվելու դեպքերի քանակը, ի տարբերություն նախորդ տարիների, զգալի նվազում է։