Հարիսը ակնկալում է ևս մեկ բանավեճ Թրամփի հետ «հանուն ընտրողների», Թրամփը՝ բացառում
ԱՄՆ նախագահի դեմոկրատ թեկնածու և ներկայիս փոխնախագահ Քամալա Հարիսը համոզված է, որ անհրաժեշտ է ևս մեկ բանավեճ անցկացնել Հանրապետական կուսակցության թեկնածու, պետության նախկին ղեկավար Դոնալդ Թրամփի հետ։ Այս մասին գրում է Интерфакс–ը:
«Դոնալդ Թրամփը և ես երկու օր առաջ ունեցանք մեր առաջին բանավեճը, և ես կարծում եմ, որ պարտական ենք ընտրողներին ևս մեկ բանավեճ անցկացնել, քանի որ այս ընտրությունները և այն, ինչ վտանգված է, այնքան կարևոր են, որքան կարող են լինել», - ասել է Հարիսը Շառլոտում (Հյուսիսային Կարոլինա):
Ինչպես նշում է CNN-ը, Հարրիսի հայտարարությունը հնչել է ընդամենը րոպեներ անց այն բանից հետո, երբ Թրամփը Truth Social-ում գրել է, որ բանավեճերի այլ փուլ չի լինի, ինչի մասին նա նախկինում ասել էր։
