Վրաստանի վարչապետը կարծում է, որ Զուրաբիշվիլին վերընտրվելու շանսեր չունի

Վրաստանի վարչապետ Իրակլի Կոբախիձեն կարծում է, որ երկրի նախագահ Սալոմե Զուրաբիշվիլին վերընտրվելու շանսեր չունի։

«Ըստ վարկանիշների՝ մեր «Վրացական երազանք» կուսակցությանն աջակցում է ընտրողների մոտ 60 տոկոսը, իսկ հոկտեմբերին կայանալիք խորհրդարանական ընտրություններում ամբողջ ընդդիմությունը հավաքում է ձայների մոտ 20 տոկոսը երկրորդ անգամ»,- լրագրողներին ասել է Կոբախիձեն՝ պատասխանելով երկրորդ անգամ նախագահական ընտրություններին մասնակցելու՝ Զուրաբիշվիլիի ցանկության մասին:

«Սալոմե Զուրաբիշվիլին, երբ ընտրվեց նախագահի պաշտոնում, չվայելեց բնակչության վստահությունը, բայց մեր կուսակցության աջակցության շնորհիվ նա, այնուամենայնիվ, ընտրվեց նախագահ, այսօր էլ նա դիմակայում է իրեն ընտրած մարդկանց՝ անցնելով արմատական ​​ընդդիմության ճամբար»,- ասել է Կոբախիձեն:

Մի քանի օր առաջ Զուրաբիշվիլին Le Figaro-ին ասել էր, որ ցանկանում է երկրորդ անգամ նախագահ դառնալ, որպեսզի «Վրաստանը վերադարձնի եվրոպական ուղուն»։

Սպասվում է, որ Վրաստանում նախագահական ընտրությունները տեղի կունենան 2024 թվականի նոյեմբեր-դեկտեմբերին։