ՄԱԿ-ի գլխավոր քարտուղարը` Իսրայելի` Գազայի փախստականների ճամբարին հարվածելու մասին
ՄԱԿ-ի գլխավոր քարտուղար Անտոնիո Գուտերեշը դատապարտում է Իսրայելի հարվածը Ալ-Մավասի շրջանին, որտեղ, ԶԼՄ-ների տվյալներով, տասնյակ մարդիկ են զոհվել: Այս մասին, ինչպես փոխանցում է ՌԻԱ Նովոստին, հայտարարել է նրա պաշտոնական ներկայացուցիչ Ստեֆան Դյուժարիկը։
Պաղեստինյան «Ալ-Աքսա» հեռուստաալիքն այսօր հաղորդել է Ալ-Մավասի շրջանին իսրայելական հարվածի հետևանքով առնվազն 40 մարդու մահվան մասին, տուժել է 60 մարդ: Իսրայելական հարվածը դիպել է ներքին տեղահանված անձանց վրաններին։
Իսրայելական բանակն իր հերթին հայտարարել է, որ հարվածը հասցրել են ՀԱՄԱՍ-ի անդամների հրամանատարական կենտրոնին:
«Գլխավոր քարտուղարը խորապես անհանգստացած է Գազայում մարդկանց շարունակական մահերի կապակցությամբ: Նա խստորեն դատապարտում է Իսրայելի կողմից Խան-Յունիս տեղահանված անձանց համար հատուկ հատկացված գոտու ուղղությամբ Իսրայելի ավիահարվածը»,-ասել է Դյուժարիկը լրագրողների հետ ճեպազրույցի ժամանակ։
