Երբ կհաստատվի Հայաստան-ԵՄ գործընկերության ընդլայնման ծրագիրը. Հունգարիայի ԱԳ նախարարը հայտնել է ամիսը

Հայաստանի և Եվրամիության միջև գործընկերության ընդլայնման փուլային ծրագիրը կհաստատվի նոյեմբերին՝ ԵՄ Խորհրդում հունգարական նախագահության ընթացքում:

Այս մասին Ֆեյսբուքյան իր էջում հայտնել Է Հունգարիայի ԱԳ նախարար Պետեր Սիյարտոն, փոխանցում է ՏԱՍՍ-ը։

«Վիզային ռեժիմի դյուրացման շուրջ երկխոսությունը ԵՄ-ի և Հայաստանի միջև սկսվել է երեկ։

Բացի այդ, նոյեմբերին մեր նախագահության ընթացքում մենք կհաստատենք ԵՄ-Հայաստան գործընկերության ժամանակացույցը»,- նշել է Սիյարտոն։