Ադրբեջանը հիանալի օրինակ է խաղաղության հաստատման առումով․ Օրբան

Ադրբեջանը հիանալի օրինակ է տարածաշրջանային անվտանգության ապահովման գործում։ Այս մասին լրագրողներին հայտարարել է Հունգարիայի վարչապետ Վիկտոր Օրբանը:

«Ադրբեջանն օրինակ է խաղաղության հաստատման առումով։ Նա գիտի, թե ինչպես կայունություն ստեղծել տարածաշրջանում», - ասել է Օրբանը։

Հունգարիայի վարչապետը մեկնաբանել է նաև Մոսկվա կատարած այցի առնչությամբ իրեն ուղղված քննադատությունները։ Նա նշել է, որ այս քննադատությունը պայմանավորված է նրանով, որ այցը տեղի է ունեցել Ուկրաինայի և Ռուսաստանի միջև շարունակվող պատերազմի ֆոնին։ Օրբանն ասել է, որ հաղորդակցությունն անհրաժեշտ է պատերազմն ավարտելու համար: