Թրամփը խոստացել է «փրկել» Tiktok-ը
ԱՄՆ նախագահի հանրապետական թեկնածու Դոնալդ Թրամփը խոստացել է «փրկել» TikTok-ը և ապահովել ամերիկացիների մուտքն այս սոցիալական ցանց, եթե իրեն հաջողվի հաղթել ընտրություններում։ Այս մասին նա հայտնել է իր Truth Social էջում։
«Ես դիմում եմ բոլորին, ովքեր ցանկանում են TikTok-ը պահել ԱՄՆ-ում։ Եթե սիրում եք այս հարթակը, քվեարկեք Թրամփի օգտին: Եթե դուք չեք մտածում TikTok-ի կամ մեր երկրի անվտանգության մասին, կարող եք աջակցել մարքսիստներին, ովքեր կկործանեն մեր ազգը»,- ասել է Թրամփը։
Նա նաև ընդգծել է, որ իր հակառակորդները մտադիր են արգելել TikTok-ն ԱՄՆ-ում։ Թրամփը հիշեցրել է, որ ինքը դարձել է «մեծ աստղ» այս հարթակում, որտեղ իր օգտահաշիվն ունի գրեթե 11 միլիոն հետևորդ։
