Այժմ նրանք շփոթված փորձում են հասկանալ, թե ինչ է կատարվում․ Զախարովա

Ուկրաինայում չկա մի մարդ, որը կարող է հստակ բացատրել ուկրաինացի պաշտոնյաների պաշտոնանկությունները: Այս մասին РИА Новости-ին տված հարցազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Ավելի վաղ Ուկրաինայի խորհրդարանը պաշտպանել էր Անդրեյ Սիբիգիի նշանակումը Ուկրաինայի արտաքին գործերի նախարարի պաշտոնում՝ հեռացված Դմիտրի Կուլեբայի փոխարեն:

«Դուք ինձ կներեք, իհարկե, չէ որ այնտեղ չկա ոչ մի մարդ, որն ի վիճակի լինի հստակ բացատրել, թե ինչ է կատարվում իրենց մոտ», - ասել Է Զախարովան։

Նա նշել է, որ այժմ նրանք, ովքեր նախկինում աջակցում էին Կուլեբային, «շփոթված փորձում են հասկանալ, թե ինչ է կատարվում»:

«Նրանք ստիպված են չկարդալ մամուլի հաղորդագրությունները կամ Ուկրաինայի պաշտոնական կառավարությունների հաղորդագրությունները, այլ ստիպված են ինչ-որ արտահոսքեր փնտրել տարբեր երկրների ԶԼՄ-ներում, որպեսզի հասկանան, թե որոնք են այդ մանևրները, ինչի հետ են դրանք կապված»,-ասել Է Զախարովան: