Իրավիճակը մնում է անկայուն և շատ փխրուն․ Գրոսսի
Զապորոժիեի ԱԷԿ-ում իրավիճակը մնում է անկայուն և շատ փխրուն: Այս մասին հայտարարել է ՄԱԳԱՏԷ-ի գլխավոր տնօրեն Ռաֆայել Գրոսսին գործակալության նոր զեկույցում:
Ավելի վաղ Գրոսսին զննել էր ԶԱԷՍ-ը, որից հետո լքել էր կայանը։ Այսօր ՄԱԳԱՏԷ-ն նոր զեկույց է հրապարակել Ուկրաինայում հակամարտության ֆոնին ատոմային անվտանգության պահպանման իր ջանքերի մասին:
«Գլխավոր տնօրեն Գրոսսին զեկույցի նախաբանում հայտարարել է, որ ԱԷԿ -ում իրավիճակը մնում է անկայուն և շատ փխրուն», - ասվում է ՄԱԳԱՏԷ-ի կայքում տեղադրված հայտարարության մեջ:
ԶԱԷՍ-ը գտնվում է Դնեպրի ձախ ափին՝ Էներգոդար քաղաքի մոտ։ Սա ամենամեծն է Եվրոպայում բլոկների և տեղադրված հզորության քանակով. կայանում կա վեց էներգաբլոկ՝ յուրաքանչյուրը 1 գիգավատ հզորությամբ։ 2022 թվականի հոկտեմբերին ատոմակայանը անցել Է ՌԴ-ի սեփականությանը։ Կայանի բոլոր էներգաբլոկներն այս պահին գտնվում են «սառը կանգառի» ռեժիմում և էլեկտրաէներգիա չեն արտադրում:
