10 րոպեում 83 հոթ-դոգ. համաշխարհային նոր ռեկորդ

Ամերիկացի Ջոուի Չեսթնաթը Աշխատանքի օրվան նվիրված Netflix-ի հատուկ միջոցառման ժամանակ կերել է ռեկորդային 83 հոթդոգ՝ այդ ցուցանիշով գերազանցելով ճապոնացի իր մրցակից Տակերու Կոբայաշիին, հայտնում է UPI-ն։

Մրցակիցներին երկուշաբթի անցկացված հատուկ միջոցառման ժամանակ 10 րոպե տրամադրվեց՝ հնարավորինս շատ հոթդոգ ուտելու համար: Ընդ որում Չեսթնաթը 83 հոթ-դոգը գերազանցեց ոչ միայն Կոբայաշիի կերած 67 հոթ-դոգը, այլև 2021 թվականին սահմանած իր իսկ համաշխարհային ռեկորդը, երբ 10 րոպեում 76 հոթ-դոգ էր կերել:

40-ամյա Չեսթնաթը և 46-ամյա Կոբայաշին երկու ամենահայտնի և տիտղոսակիր ուտել սիրող մարդիկ են, որոնք հոթ-դոգ ուտելու ամենամյա Nathan's մրցույթում պայքարել են միմյանց դեմ՝ լավագույն հոթ-դոգ սպառողի կոչման համար:

Ընդ որում, Netflix-ի տվյալներով, երեքշաբթի տեղի ունեցած իրադարձությունը 15 տարվա մեջ առաջին դեպքն էր, երբ երկու տիտղոսակիր ուտեղ-խմողներ հանդիպեցին երես առ երես: