Թրամփին դատապարտել են գերեզմանատանը լուսանկարվելու համար

Ռազմական գործողությունների ժամանակ ընկած ամերիկացի զինվորականների ազգային գերեզմանատուն այցի պատճառով Թրամփը հայտնվել է քննադատության թիրախում։ Հարիսը դատապարտել է Թրամփի այցը՝ այն անվանելով «քաղաքական հնարք»: Մյուս կողմից՝ ի պաշտպանություն հանրապետական գործչի հանդես են եկել զոհվածների հարազատները

ԱՄՆ նախագահի Դեմոկրատական կուսակցության թեկնածու, երկրի փոխնախագահ Քամալա Հարիսը քննադատել է Դոնալդ Թրամփին՝ Արլինգթոնի ազգային գերեզմանատուն այցի ժամանակ լուսանկարվելու համար: ԱՄՆ դաշնային օրենքով և Պենտագոնի արարողակարգով խստիվ արգելվում է գերեզմանատան այն հատվածում, ուր այցելել է հանրապետական գործիչը, քաղաքական գործունեության հետ կապված միջոցառում անցկացնել։ Արդյունքում՝ Թրամփի այցի ընթացքում անգամ վիճաբանություն է տեղի ունցել գերեզմանատան աշխատակցի հետ: