Գազայի հատվածում հայտնաբերվել է ՀԱՄԱՍ-ի կողմից պատանդ վերցված ռուսաստանցու դի
Իսրայելի պաշտպանության բանակը Գազայի հատվածի Ռաֆահ քաղաքի մոտ հայտնաբերել է վեց պատանդների դի, այդ թվում՝ ռուսաստանցի Ալեքսանդր Լոբանովին: Այս մասին հայտնում է իսրայելական բանակի մամուլի ծառայությունը: Նշվում է, որ դիերը վերցվել և հանձնվել են իսրայելական կողմին:
«Նրանք բոլորը պատանդ էին վերցվել ՀԱՄԱՍ-ի կողմից անցյալ տարվա հոկտեմբերի 7-ին Իսրայելի վրա հարձակման ժամանակ։ Նույնականացման ընթացակարգն իրականացրել են Դատական բժշկության ազգային ինստիտուտը, Իսրայելի ոստիկանությունը և Իսրայելի պաշտպանության բանակի ռազմական ռաբինատը»,– ասվում է զեկույցում։
Հիշեցնենք, որ ավելի վաղ ԱՄՆ նախագահ Ջո Բայդենը հայտարարել էր, որ մահացած գտնված այդ պատանդների թվում է եղել նաև ԱՄՆ քաղաքացի Հերշ Գոլդբերգ-Փոլինը, հայտնել են Սպիտակ տանը։
