Ուկրաինան պատրաստ է գազը Եվրոպա տեղափոխել Ադրբեջանից, Ղազախստանից կամ այլ երկրից

«Գազպրոմի» հետ պայմանագրի ժամկետի ավարտից հետո Ուկրաինան պատրաստ է գազը Եվրոպա տեղափոխել Ադրբեջանից, Ղազախստանից կամ որևէ այլ երկրից, բայց ոչ Ռուսաստանից։

Այս մասին YouTube-ի «News Live» ալիքում հայտնել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը։

«Եթե Եվրոպայի որևիցե երկիր անհրաժեշտ համարի ստանալ ղազախական գազ, ադրբեջանական կամ այլ գազ, մենք պատրաստ ենք այն փոխադրելու», - նրա խոսքերն է փոխանցում ՏԱՍՍ-ը։

Հիշեցնենք, որ օգոստոսի 27-ին Վլադիմիր Զելենսկին հայտարարել էր, որ Կիևը չի երկարաձգի «Գազպրոմ»-ի հետ ռուսական գազի տարանցման համաձանագիրը, որի ժամկետը լրանում է տարեվերջին։