Ո՞ր երկրում է հնարավոր X սոցիալական ցանցի արգելափակումը

Բրազիլիայի Դաշնային գերագույն դատարանի դատավոր Ալեշանդրի դի Մորայսը ծանուցագիր է ուղարկել ամերիկացի ձեռնարկատեր Իլոն Մասկին՝ հանձնարարելով 24 ժամվա ընթացքում նշանակել X ընկերության նոր օրինական ներկայացուցիչ Բրազիլիայում: Ինչպես նշվում է դատարանի կայքում հրապարակված հաղորդագրության մեջ, հակառակ դեպքում սոցցանցի գործունեությունը հանրապետությունում կդադարեցվի:

«Ծանուցագիրն ուղարկվել է սոցիալական ցանցում Դաշնային գերագույն դատարանի պաշտոնական էջում հրապարակելու միջոցով», - ասվում է հաղորդագրության մեջ:

Բոլոր հանցագործությունները, որոնք վերագրվում են Մասկին, կապված են «արդարադատության խոչընդոտման, հանցավոր կազմակերպման և հանցագործության հրահրման հետ»:

X սոցիալական ցանցը վերջերս հայտարարեց, որ փակում է Բրազիլիայում իր ներկայացուցչության աշխատանքը: Վարչակազմը բացատրել է, որ նման որոշում է կայացվել գերագույն դատավոր Ալեքսանդր դե Մորաեսի պատճառով, որը երկրում ընկերության ներկայացուցչին ձերբակալելու «գաղտնի հրաման» է տվել: Ընկերությունում հստակեցրել են, որ սոցցանցը կշարունակի հասանելի մնալ Բրազիլիայում։