Իրանը կարող է ուրանի պաշար հավաքել, որը բավարար կլինի չորս ատոմային ռումբ ստեղծելու համար. Reuters

Իրանը շարունակում է կուտակել ուրանի իր պաշարները, որոնք հետագա հարստացման դեպքում տեսականորեն կարող են բավարար լինել միջուկային զենք ստեղծելու համար: Այս մասին հայտնում է Reuters գործակալությունը՝ հղում անելով Ատոմային էներգիայի միջազգային գործակալության եռամսյակային զեկույցին։

UF6-ի մինչև 20% հարստացված (ուրանի հեքսաֆտորիդ) պաշարները 62,6 կգ-ից հասել են 813,9 կգ-ի։ 60%-ով հարստացված UF6-ի պաշարները գնահատվում է, որ 22,6 կգ-ից հասել են 164,7 կգ-ի:

 «ՄԱԳԱՏԷ-ի սահմանման համաձայն՝ մինչև 60 տոկոս հարստացված 42 կգ ուրանը տեսականորեն բավարար է հետագա հարստացմամբ միջուկային ռումբ ստեղծելու համար»,- գրում է գործակալությունը։

 Ինչպես նշում է Reuters-ը՝ հղում անելով զեկույցին, տեսականորեն Իրանին անհրաժեշտ կլինի ևս 2 կգ ուրան՝ հարստացված մինչև 60 տոկոս, որպեսզի հետագա հարստացմամբ նյութը բավարար լինի չորս ատոմային ռումբի համար։