Ուկրաինան նախապատրաստում է պատասխանը այսօրվա Ռուսաստանի զանգվածային գնդակոծությանը․ Ումերով

Ուկրաինան նախապատրաստում է պատասխանը այսօրվա Ռուսաստանի զանգվածային գնդակոծությանը, որի հետևանքով զոհվել և տուժել են խաղաղ բնակիչներ: Այս մասին հայտարարել է Ուկրաինայի պաշտպանության նախարար Ռուստեմ Ումերովը:

«Այս գիշեր Ռուսաստանը կրկին հարվածեց մեր քաղաքներին։ Տուժել են խաղաղ մարդիկ, ավերվել են տներ, խախտվել է կրիտիկական ենթակառուցվածքը», - հայտարարել է նա։

Նախարարն ընդգծել է, որ սա Ուկրաինայի համար հեռահար հնարավորություններ ունենալու և թշնամու ռազմական օբյեկտներին հարվածելու սահմանափակումների վերացման անհրաժեշտության հերթական ապացույցն է:

«Ուկրաինան պատրաստում է իր պատասխանը․ սեփական արտադրության զենք», - ընդգծել Է պաշտպանության նախարարը։