Ուժայինների կողմից Վոլգոգրադի թիվ 19 գաղութի գրոհը տևել է կես ժամ և ավարտվել արմատականների ոչնչացմամբ

ՌԴ ուժայինները գրոհ են իրականացրել Վոլգոգրադի մարզի թիվ 19 գաղութի վրա:

Ռուսական տելեգրամյան ալիքների տեղեկություններով՝ կրակոցներից վիրավորվել է երեք արմատական, մեկը՝ ձեռքի հատվածում: Հրաման կա ողջ վերցնել, որպեսզի իրավապահներին հաջողվի ամբողջությամբ բացահայտել հանցագործությունը: 

Հիշեցնենք, որ Վոլգոգրադի բանտը գրաված զինյալները պահանջել էին պատանդների փոխանակում:

Նրանք նոր տեսահոլովակ էին  հրապարակել, որտեղ նշել են, որ 2 միլիոն դոլար ու ուղղաթիռ չեն խնդրել։ Արմատականներն նաեւ հայտնել են, որ իրենք «վրեժ են լուծում» Կրոկուսի վրա հարձակված ահաբեկիչների համար: 

Ավելի վաղ նշվել էր, որ կժամանի Վոլգոգրադի մզկիթի մոլլան՝ արմատականների եւ ՌԴ Դաշնային քրեակատարողական ծառայության միջեւ բանակցությունների համար։ Սակայն վերջինս կոչ է արել ոչնչացնել այդ արարածներին:

Քիչ առաջ հայտնի դարձավ, որ Վոլգոգրադի թիվ 19 գաղութի գորհը, որն իրականացրել են հատուկ ջոկատայինները, տևել է կես ժամ և ավարտվել արմատականների ոչնչացմամբ։ Բոլոր պատանդներն ազատ են արձակվել։

Գործողության ընթացքում Տաջիկստանից 23-ամյա Ռուստամչոն Նավրուզին փորձել է պայթեցնել իրեն՝ օգտագործելով «մահապարտ բաճկոն», սակայն համակարգը չի աշխատել։