Հրազդանի կիրճում օրերս տեղի ունեցած վթարի հետևանքները վերացնելիս նոր վթար է տեղի ունեցել. Փաստինֆո

Հրազդանի կիրճում օրերս տեղի ունեցած վթարի հետևանքները վերացնելիս նոր վթար է տեղի ունեցել։ Այդ մասին «Փաստինֆո»-ին ասաց «Վեոլիա ջուր» ընկերության մամուլի քարտուղար Զառա Նազարյանը։

Նկատենք, որ մոտ 10 օր առաջ կիրճը հեղեղվել էր կեղտաջրերով, քանի որ վթարվել էին կոյուղու խողովակները։ Օրերս լրատվամիջոցը ահազանգ է ստացել քաղաքացիներից, որ կեղտաջրերը շարունակում են լցվել գետը։

Հարցմանն ի պատասխան՝ ընկերությունից հայտնեցին, որ վերանորոգման ընթացքում երկրորդ վթարն է տեղի ունեցել՝ պատճառաբանելով խողովակների շատ հին լինելը։

«Վեոլիա ջուր» ընկերությունից վստահեցրեցին, որ երկրորդ վթարի հետևանքներն այսօր՝ օգոստոսի 23-ին կամ մինչև վաղը կվերացվեն։