Վազգեն Թևանյանը չկարողացավ դուրս գալ կիսաեզրափակիչ

Հայաստանի օլիմպիական հավաքականի անդամ ըմբիշ Վազգեն Թևանյանը Փարիզ-2024-ում պարտվեց քառորդ եզրափակիչում:

Փարիզի «Champ-de-Mars Arena»-ում ընթացող 65 կգ ազատ ոճային ըմբիշների պայքարում Վազգեն Թևանյանը երկրորդ գոտեմարտում պարտություն կրեց: Քառորդ եզրափակիչում Թևանյանը մրցեց մոնղոլ Տուլգա Տումուրի հետ ու զիջեց 7:5 հաշվով:

Հայ ըմբիշը իրավունք կստանա շարունակելու պայքարը, եթե մոնղոլ մարզիկը դուրս գա եզրափակիչ: 

Հիշեցնենք՝ մեկնարկային գոտեմարտում Վազգեն Թևանյանը գերազանցել էր վրացի Գոդերձի Ձեբիաշվիլիին: