Կուրսկի մարզում արդեն 3-րդ օրն է` շարունակվում են մարտերը

ՌԴ Կուրսկի մարզում ուկրաինական բանակի գրոհը շարունակվում է արդեն երեք օր։ Ռուս պաշտոնյաներից դեռ շատ քիչ տեղեկություններ կան կատարվածի մասին։ Այս մասին հայտնում է BBC-ի ռուսական ծառայությունը։

 «Մեր քաղաքը գնդակոծվել է հնարավոր ամեն ինչով... Մենք երբեք նման վախ չենք ապրել»,- BBC-ի հետ զրույցում հիշում է տեղի բնակչուհի Մարինան (անունը փոխված է):

 Նրա խոսքով, հրետակոծությունը սկսվել է գիշերվա ժամը երեքին, այնուհետև ամբողջ ընտանիքը թաքնվել է լոգարանում և նստել այնտեղ գրեթե երեք ժամ:

 Մարինան և իր ընտանիքը դուրս են եկել իրենց տնից առավոտյան ժամը յոթ անց կեսին և հեռացել իրենց մեքենայով։

« Ավելի ուշ հեռացածները, շարունակում է BBC-ի զրուցակիցը, ասել են, որ ճանապարհի եզրին տեսել են այրված մեքենաներ»։

 Ուկրաինական ստորաբաժանումների ներխուժումը Կուրսկի շրջան սկսվել է օգոստոսի 6-ի գիշերը։ Նախ՝ մարզը ենթարկվել է անօդաչու թռչող սարքերի հարձակման (ըստ Կուրսկի նահանգապետի պաշտոնակատար Ալեքսեյ Սմիրնովի, խոցվել է 26 ավիացիոն տիպի անօդաչու թռչող սարք), իսկ հետո Սուջան և հարակից տարածքները կրակի տակ են հայտնվել: Առավոտյան սկսեցին առաջին հաղորդագրությունները ստանալ Ուկրաինայից մի քանի ուղղություններով զինված խմբավորումների ճեղքման և սահմանամերձ շրջաններում մարտերի մասին։

 Ալեքսեյ Սմիրնովն առաջիններից մեկն էր, ով մեկնաբանեց տեղի ունեցածը, ասելով, որ «Ռուսաստանի ԱԴԾ սահմանապահ ծառայության և ՌԴ ԶՈւ-ի զինծառայողները թույլ չեն տվել, որ սահմանը հատվի»։