Երևանի կենտրոնում ծեծել են հյուրանոցներից մեկի աշխատակցին․ նա տեղափոխվել է հիվանդանոց
Հուլիսի 26-ին արտակարգ դեպք է տեղի ունեցել Երևանում։ Ժամը 11։10-ի սահմաններում ՀՀ Ներքին գործերի նախարարության ոստիկանության Կենտրոնական բաժին է զանգահարել Երևանի բնակիչ 73-ամյա Վաչիկ Ի․-ն և հայտնել, որ ժամը 04։00-ի սահմաններում Գրիգոր Լուսավորիչ փողոցում գտնվող «Արարատ» հյուրանոցում 2 կամ 3 տղամարդ գտնվելով ալկոհոլի ազդեցության տակ, ծեծի են ենթարկել հյուրանոցի աշխատակից, Երևանի բնակիչ 41-ամյա Լևոն Չ․-ին և վնասել հյուրանոցի գույքը:
Ինչպես հայտնում է SHAMSHYAN.com-ը, նույն օրը «Աստղիկ» բժշկական կենտրոնից ոստիկանության Կենտրոնական բաժին են զանգահարել և հայտնել, որ «դեմքի փափուկ հյուսվածքային քերծվածքներ, ճակատային հատվածի հեմատոմ» ախտորոշմամբ բուժօգնության է դիմել Լևոն Չ․-ն:
Ոստիկանների կողմից ձեռնարկված միջոցառումների շնորհիվ պարզվել է, որ արարքը կատարած անձանցից մեկը հանդիսանում է Երևանի բնակիչ 42-ամյա Առնակ Ն․-ն:
