Արգենտինան չի ճանաչում Մադուրոյի հաղթանակը Վենեսուելայի ընտրություններում
Արգենտինայի առաջնորդ Խավիեր Միլեյը հայտարարել է, որ Արգենտինան չի ճանաչում թեկնածու և գործող նախագահ Նիկոլաս Մադուրոյի հաղթանակը Վենեսուելայի ընտրություններում։ Այս մասին նա գրել է X սոցիալական ցանցում, փոխանցում է ТАСС-ը։
«Արգենտինան չի ընդունում հերթական խաբեությունը և հուսով է, որ զինված ուժերն այս անգամ կպաշտպանեն ժողովրդավարությունը և ժողովրդի կամքը»,- ասել է Միլեյը։
Ավելի վաղ Մադուրոյի շտաբը հայտարարել էր Վենեսուելայի նախագահական ընտրություններում նրա հաղթանակի մասին։
Փետրվարին Մադուրոն Միլեյին ավազակ էր անվանել։
