Կրեմլը Թուրքիային խնդրել է «ոչ մի դեպքում» ժամանակակից զենք չփոխանցել Ուկրաինային
Կրեմլը Թուրքիային խնդրել է «ոչ մի դեպքում» ժամանակակից զենք չփոխանցել Ուկրաինային։ Այս մասին հայտնում է Brief թելեգրամյան ալիքը։
Աղբյուրների համաձայն՝ նախազգուշացումը հնչել է ոչ պաշտոնական տեղեկությունների ֆոնին այն մասին, թե թուրքական իշխանությունները, պատրաստ են սկսել գաղտնի կերպով Կիևին մի շարք զինատեսակներ մատակարարել։
Բոլոր հնարավոր ուղիներով Անկարային տեղեկացվել է, որ նման գործողություններն անընդունելի են և կհանգեցնեն «ծայրահեղ տխուր հետևանքների» երկկողմ հարաբերությունների համար։ Դրանից հետո Ռեջեփ Թայիփ Էրդողանի թիմը կապ է հաստատել Կրեմլի հետ և վստահեցրել, որ նման տարբերակներ «լրջորեն չեն քննարկվում»։
Ըստ թուրքական կողմի՝ ՆԱՏՕ-ի ղեկավարությունը բազմիցս խնդրել է Անկարային զգալի ռազմական օգնություն ցուցաբերել Ուկրաինայի Զինված ուժերին, սակայն «այդ խնդրանքներին արձագանքն իբր միշտ եղել է բացառապես բացասական»,- ավելացնում են ինսայդերները։
