ՏԵՍԱՆՅՈՒԹ. Ավիավթար Նեպալում. զոհվել Է 18 մարդ, ողջ Է մնացել միայն օդաչուն

Կատմանդուի օդանավակայանում վթարի է ենթարկվել Saurya Air ավիաընկերության ինքնաթիռը, որում եղել է 19 մարդ:

Նախնական տվյալներով՝ վթարի վայրում հայտնաբերվել է 18 դի, գրում է Kathmandu Post-ը։

Փորձնական թռիչք իրականացնող ինքնաթիռում եղել են Saurya Airline-ի 17 տեխնիկական աշխատակիցներ և անձնակազմի երկու անդամներ:

Ինքնաթիռը կործանվել է թռիչքուղուց դուրս գալուց անմիջապես հետո՝ տեղական ժամանակով ժամը 11:00-ին: Նա պետք է թռչեր Պոխարա։

Համացանցում հրապարակված տեսանյութում երևում է, որ ինքնաթիռը կրակի և ծխի մեջ է։ Միջադեպից հետո դեպքի վայր են ուղարկվել հրշեջ մեքենաներ և շտապօգնության մեքենաներ:

Փրկարարական ծառայություններին հաջողվել է փլատակների տակից դուրս բերել նավի 37-ամյա կապիտանին, որին տեղափոխել են հիվանդանոց:

Ոստիկանության ներկայացուցիչ Դան Բահադուր Կարկին ասել է, որ օդաչուն վնասվածքներով բուժման մեջ է:

Ինչպես հաղորդվում է ընկերության կայքում, Saruya Airlines-ը Նեպալում թռիչքներ է իրականացնում հինգ երթուղով, նրա նավատորմը բաղկացած է երեք Bombardier CRJ-200 ինքնաթիռներից:

Նեպալը բազմիցս քննադատվել է թռիչքների անվտանգության ցածր մակարդակի համար։