Կրեմլը ոչինչ չգիտի Չեչնիայի Հանրապետության ղեկավար Ռամզան Քադիրովի հայտարարության մասին, թե Wildberries շուկան ենթարկվել է «ռեյդերային զավթման»։

«Ոչ: Չենք տեսել»,- լրագրողի հարցին, թե իշխանությունները ծանոթացել են Չեչնիայի ղեկավարի այս հայտարարությանը, պատասխանել է Կրեմլի ներկայացուցիչը։

Հուլիսի 23-ին Wildberries-ի համահիմնադիր Վլադիսլավ Բակալչուկը Կադիրովին ասել է, որ շուկան ենթարկվել է «անպարկեշտ ռեյդերային զավթման»՝ արտաքին գովազդի Russ Outdoor-ի հետ միաձուլվելուց հետո:

Չեչնիայի ղեկավար Ռամզան Քադիրովը գործարար Վլադիսլավ Բակալչուկի հետ հանդիպումից հետո ՌԴ Պետդումայի պատգամավոր Ադամ Դելիմխանովին հանձնարարել է ուսումնասիրել Wildberries շուկայի և արտաքին գովազդի օպերատոր Russ Outdoor-ի միաձուլմանն առնչվող իրավիճակը։

Քաղաքական գործիչը տեղի ունեցածը անվանել է «բացահայտ և հանդուգն ռեյդերային զավթում»: Դրանում նա մեղավոր է համարում Լևան և Ռոբերտ Միրզոյան եղբայրներին, ինչպես նաև «մի քանի հայտնի կովկասցիների»։

էլեկտրոնային առևտրի հարթակի հիմնադիր Տատյանա Բակալչուկը հերքել է ընկերությանը տիրանալու մասին տեղեկությունը և հայտարարել ամուսնուց բաժանվելու մասին, գրում է Коммерсантъ-ը։

Քադիրովն իր թելեգրամյան ալիքում հայտարարել է, թե հունիսի սկզբից «իրավական մեքենայությունների ճանապարհով» Wildberries-ի ակտիվները Russ Outdoor ընկերության միջոցով «հապճեպ հայտնվել են ուրիշի ձեռքում»։ «Ես գիտեմ, որ այս ռեյդերական գործընթացի լծակները եղբայրներ Լևան և Ռոբերտ Միրզոյանների, ինչպես նաև մի քանի հայտնի կովկասցիների ձեռքում են»,- հավելել է Կադիրովը։

Ինքը՝ Տատյանա Բակալչուկը, հայտնել է, որ Wildberries-ի և Russ Outdoor-ի միաձուլումը ռեյդերային զավթում չէ։ «Սա բաժանություն է»,- գրել է նա իր թելեգրամյան ալիքում՝ կցելով Վլադիսլավ Բակալչուկի և Ռոբերտ Միրզոյանի հետ համատեղ լուսանկարը։ «Ի սկզբանե ամեն ինչ համաձայնեցված էր Վլադիսլավի հետ, նա նոր կառույցի բարձրագույն ղեկավարության հետ անձամբ ներկա է եղել միավորված ընկերության շնորհանդեսին», - հայտարարել է Բակալչուկը:

Wildberries-ում հայտարարել են, որ աշխատանքները շարունակվում են բնականոն հունով։ «Ամուսնալուծության գործընթացի մանրամասները և զգացմունքային մանրամասները գործարար պարբերակաների համար հետաքրքրություն չեն ներկայացնում», - հայտնել է մամուլի ծառայությունը։

Ըստ հանրամատչելի տվյալների՝ 2020 թվականի ամառվանից Russ Outdoor-ի 73,6%-ը պատկանում է «Стинн» ՍՊԸ-ին, դրա շահառուներն են եղբայրներ Լևան և Ռոբերտ Միրզոյանները, ինչպես նաև Ինգուշեթիայից Միացյալ Ռուսաստան խմբակցության Պետդումայի պատգամավոր Բեկխան Բարախոևը։

Ռամզան Կադիրովը Պետդումայի պատգամավոր Ադամ Դելիմխանովին հանձնարարել է կարգավորել Wildberries-ին առնչվող իրավիճակը։ Կադիրովը նշել է, որ Russ Outdoor-ի շրջանառությունը «հարյուր անգամ պակաս» է, քան Wildberries-ը, և այս ընկերությունը զբաղվում է բոլորովին այլ բիզնեսով՝ գովազդով։

Այսօր ադրբեջանցիները հնձել են կիրանցցիների ցանած հացահատիկը․ Կիրանցի բնակչուհի