Ջո Բայդենը Լաս Վեգաս մեկնելիս շտապ բժշկական օգնություն է ստացել. The Dossier

ԱՄՆ նախագահ Ջո Բայդենն անցած շաբաթ Լաս Վեգաս մեկնելիս շտապ բժշկական օգնություն է ստացել։ Ըստ The Dossier-ի՝ հատուկ ծառայությունները բարձր մակարդակի ազդանշան են ստացել, որ Բայդենը շտապ օգնություն է պահանջում:

«Կարծես հրդեհի բռնկման մասին 5 ահազանգ լիներ», - հրատարակությանը հայտնել են աղբյուրները։

Ազդանշանը ստանալուց հետո տեղի բժշկական կենտրոնը շրջափակվել է հատուկ ծառայությունների կողմից։

«COVID-19-ի պարզ դրական թեստը չէր երաշխավորի նման կտրուկ և համատարած արձագանք», - գրում է The Dossier-ը։

Թե կոնկրետ ինչ է կատարվել Բայդենի հետ, չի նշվում։ Հրատարակության տվյալներով՝ նրանք որոշել են նախագահին չհոսպիտալացնել, այլ ինքնաթիռով ուղարկել են Դելավերի բնակավայր։

Տեղեկությունների ֆոնին, որ ամերիկացի առաջնորդը հանրության առաջ չի հայտնվել այն բանից հետո, երբ որոշել է չվերընտրվել երկրորդ ժամկետով, նրա մահվան մասին լուրեր են հայտնվել համացանցում:

Ավելի վաղ Սպիտակ տունը հայտարարել էր ԱՄՆ նախագահ Ջո Բայդենի՝ Դելավերում մեկուսացումից հետո աշխատավայր վերադառնալու մասին։