![Ստեփանակերտի քաղաքապետն ազատության մեջ է. փաստաբան](https://auroranews.am/storage/img/base_image/2024-07-16/66967654ab9c8.webp)
Ստեփանակերտի քաղաքապետն ազատության մեջ է. փաստաբան
![Ստեփանակերտի քաղաքապետն ազատության մեջ է. փաստաբան](https://auroranews.am/storage/img/base_image/2024-07-16/66967654ab9c8.webp)
Ստեփանակերտի քաղաքապետ Դավիթ Սարգսյանն ազատության մեջ է: Այս մասին հայտնում է փաստաբան Ռոման Երիցյանը:
«ՀՀ վերաքննիչ դատարանը բավարարեց Ստեփանակերտի քաղաքապետին տնային կալանքի տակ պահելու որոշման դեմ մեր ներկայացրած վերաքննիչ բողոքը՝ բեկանելով Մասիս Մելքոնյանի կայացրած ապօրինի դատական ակտը և մերժելով քննիչի ներկայացրած միջնորդությունը։ Հիշեցնում եմ, որ իր մեկ այլ որոշմամբ վերաքննիչ դատարանը ոչ իրավաչափ էր ճանաչել նաև քաղաքապետի քսանօրյա կալանավորումը»,- գրել է նա:
Հիշեցնենք, որ Դավիթ Սարգսյանին մեղադրանք է առաջադրվել ՀՀ քրեական օրենսգրքի 255-րդ հոդվածի 3-րդ մասի 3-րդ կետով և 457-րդ հոդվածի 2-րդ մասով՝ առերևույթ խարդախությամբ առանձնապես խոշոր չափերով գույքի հափշտակություն կատարելու և փաստաթղթեր կեղծելու հիմքով։