![ԼՈՒՍԱՆԿԱՐՆԵՐ. Լոռիում բեռնատարը դուրս է եկել երթևեկելի գոտուց և ընկել Դեբեդ գետը](https://auroranews.am/storage/img/base_image/2024-07-14/6693ca0edcae3.webp)
ԼՈՒՍԱՆԿԱՐՆԵՐ. Լոռիում բեռնատարը դուրս է եկել երթևեկելի գոտուց և ընկել Դեբեդ գետը
![ԼՈՒՍԱՆԿԱՐՆԵՐ. Լոռիում բեռնատարը դուրս է եկել երթևեկելի գոտուց և ընկել Դեբեդ գետը](https://auroranews.am/storage/img/base_image/2024-07-14/6693ca0edcae3.webp)
Այսօր արտակարգ դեպք է տեղի ունեցել Լոռու մարզում։ Ժամը 13։30-ի սահմաններում հեղուկ գազ տեղափոխող «DAF» մակնիշի բեռնատարը Ալավերդի-Այրում ավտոճանապարհին, դեռևս անհայտ հանգամանքներում, դուրս է եկել երթևեկելի գոտուց և խցիկի հատվածով կախվել Դեբեդ գետում։
Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների բարեբախտաբար տուժածներ չկան։
Դեպքի վայր են ժամանել նաև ոստիկանության Լոռու մարզային վարչության պետ Արթուր Զաքարյանն ու ոստիկանության Թումանյանի բաժնի պետ Արտակ Գուրջանյանը։ Դեպքի փաստով ՊԾ Լոռու մարզի գումարտակում փաստաթղթեր են ձևակերպվում, որտեղ էլ պարզվում են վարորդի ինքնությունը։