ՏԵՍԱՆՅՈՒԹ. Մոսկովյան շրջանում հայտնաբերվել են կործանված ինքնաթիռի անձնակազմի անդամների մարմինները
Հայտնաբերվել են Մերձմոսկվայում կործանված ինքնաթիռի անձնակազմի անդամների մարմինները: Մերձմոսկվայում կործանված ինքնաթիռի անձնակազմի անդամների մարմինները հայտնաբերվել են, նրանց նույնականացման համար անհրաժեշտ կլինի գենետիկ փորձաքննություն, հայտնում է ՏԱՍՍ-ը՝ վկայակոչելով իրավապահ մարմիններում իր աղբյուրը:
Գործակալության տվյալներով՝ Մոսկվայի մարզում ինքնաթիռի կործանման վերաբերյալ քրեական գործը կքննի Քննչական կոմիտեի կենտրոնական ապարատը: Կրիմինալիստներն ու քննիչներն աշխատում են ինքնաթիռի կործանման վայրում։ «ՌԴ ՔԿ կենտրոնական ապարատի քննիչներն ու քրեագետները ժամանել են ինքնաթիռի կործանման վայր և արդեն անցել են աշխատանքի», - նշել Է զրուցակիցը:
Հիշեցնենք, որ նախնական տեղեկություններով՝ հուլիսի 12-ին «Սուխոյ Սուպերջեթ-100» ինքնաթիռը, վերանորոգումից հետո գործարանից թռչելով, ուղևորվում էր Վնուկովո օդանավակայան, սակայն վթարի էր ենթարկվել Մոսկվայի մարզի Կոլոմնայի Ապրաքսինո գյուղի շրջանում: Ինքնաթիռում եղել է անձնակազմի երեք անդամ, բոլորը զոհվել են։
