ՏԵՍԱՆՅՈՒԹ. Երկու տրամվայ են բախվել. կա զոհ և վիրավորներ. ՌԴ
ՌԴ-ի Չելյաբինսկի շրջանի Զլատուստ քաղաքում տեղի է ունեցել վթար՝ բախվել են երկու տրամվայներ, ինչը հանգեցրել է կնոջ մահվան։
Վթարը տեղի է ունեցել այսօր կեսօրին Գագարինի պողոտայի թիվ 1 տան մոտ գտնվող հասարակական տրանսպորտի կանգառում։ Բախման հետևանքով տրամվայներից մեկը շարունակել է շարժվել և հարվածել մոտ 60 տարեկան մի կնոջ։ Ստացած վնասվածքները կյանքի հետ անհամատեղելի են եղել, կինը հիվանդանոցում մահացել է։
Բացի այդ, վթարի հետևանքով տուժել են տրամվայի վարորդը և վեց ուղևորներ։ Նրանք բոլորը հոսպիտալացվել են։
Ոստիկանությունն այժմ պարզում է վթարի հանգամանքները։ Դատախազությունը նաև հետաքննություն է անցկացնում՝ պարզելու, թե արդյոք պահպանվել են ուղևորներ տեղափոխելու կանոնները։
Չելյաբինսկի մարզի Զլատուստում երկու տրամվայի բախումից հետո քրեական գործ է հարուցվել անվտանգության պահանջներին չհամապատասխանող ծառայությունների մատուցման վերաբերյալ։
Դեպքի վայրում աշխատում են քննիչներն ու դատաբժշկական փորձաքննությունը։ Կատարում են մի շարք նախնական քննչական գործողություններ՝ պարզելու կատարվածի պատճառները։
Ըստ նախնական տեղեկությունների՝ բախումը տեղի է ունեցել անսարք տրամվայը դեպո տեղափոխելիս։ Քարշակ սարքը կոտրվել է, և մեքենան բախվել է նույն ուղղությամբ ընթացող տրամվային։
Չելյաբինսկի մարզի նահանգապետ Ալեքսեյ Տեքսլերը կարգադրել է ստեղծել տարածաշրջանային հանձնաժողով՝ վթարի պատճառները պարզելու համար։ Տուժածներին և նրանց ընտանիքներին կտրվի բոլոր անհրաժեշտ օգնությունը։
