Հայաստանի յուրաքանչյուր երրորդ երեխան աղքատ է. ԱՎԿ
ՀՀ–ում աղքատության մակարդակը, պաշտոնական վիճակագրությամբ, 2023 թվականին նվազել է 1,1 %–ով։
Ազգային վիճակագրական կոմիտեի տվյալների համաձայն` 2023 թ-ին աղքատ է Հայաստանի բնակչության 23,7 %-ը։ 2022թ-ին այս ցուցանիշը կազմել է 24,8 %։
Ծայրահեղ աղքատության մակարդակը նվազել է 0,1%-ով և կազմել 1,1 %, նախորդ տարվա 1,2 %-ի համեմատ։
Քաղաքային աղքատության մակարդակը 2023 թ-ին կազմել է 21.5%, որից 0,5 %-ը ծայրահեղ աղքատության մակարդակն է, իսկ գյուղական աղքատությունը կազմել է 27 %, որից 2 %-ը ծայրահեղ աղքատներն են։
Մեկ տարվա ընթացքում միայն 0,6 %-ով նվազել է մանկական աղքատության ցուցանիշը։ Ըստ այդմ՝ երկրում բնակվող երեխաների 31,7 %-ը աղքատ են, որից 1,8 %-ը ծայրահեղ աղքատ են։
