Վիկտոր Օրբանը կմեկնի Պեկին

Սպասվում է, որ Հունգարիայի վարչապետ Վիկտոր Օրբանը կայցելի Չինաստան և երկուշաբթի կժամանի Պեկին։ Այս մասին հայտնում է հունգարական 444.hu պորտալը։

Նախկինում Օրբանն այցելել է Ուկրաինա, Ռուսաստան և Ադրբեջան, որտեղ հուլիսի 6-ին կայացել է Թյուրքական պետությունների կազմակերպության ոչ պաշտոնական գագաթնաժողովը։ Ըստ պորտալի՝ Օրբանն այժմ ուղեւորվում է Պեկին, որտեղ կժամանի «երկուշաբթի լուսադեմին»։ Հունգարիայի կառավարությունը պորտալին դեռ չի հաստատել այս տեղեկությունը։ Նրա խոսքով՝ Dassault Falcon 7X կառավարական ինքնաթիռն արդեն լքել է Բուդապեշտը և ուղղություն է վերցրել դեպի Պեկին։ Ենթադրաբար Օրբանը գտնվում է ինքնաթիռում:

Հուլիսի 6-ին Հունգարիայի վարչապետը հայտարարեց հուլիսի 8-ի անակնկալի և գալիք շաբաթվա անսպասելի հանդիպումների մասին՝ չհրապարակելով մանրամասներ։