Փարիզի Պոմպիդու կենտրոնը փակ է անձնակազմի գործադուլի պատճառով
Փարիզի Պոմպիդու մշակույթի և արվեստի կենտրոնը փակվել է աշխատակիցների գործադուլի պատճառով, ովքեր պահանջում են իրենց հատկացնել բոնուսներ Օլիմպիական խաղերի հետ կապված միջոցառումների ժամանակ աշխատելու համար:
«Հասարակական տեղաշարժերի պատճառով Պոմպիդու կենտրոնը և գրադարանը փակ են»,- ասված է հաղորդագրության մեջ։ Գործադուլի նախաձեռնությունը պատկանում է «Աշխատավորների ուժ» արհմիությանը։ Աշխատակիցները կարծում են, որ Փարիզի Օլիմպիական խաղերի հետ կապված իրադարձությունները կհանգեցնեն լրացուցիչ ծանրաբեռնվածության։
«Օլիմպիական ջահը հրապարակով կանցնի հուլիսի 14-ին, և մենք այն հաստատություններից ենք, որոնք չեն փակվի Օլիմպիական խաղերի ժամանակ, ուստի կարող է մարդկանց հոսք լինել», - ասել է արհմիության ներկայացուցիչ Ֆիլիպ Մահուն:
Կառավարությունը հունիսի 23-ին հրապարակեց հրամանագրեր, որոնք թույլ են տալիս մինչև 1500 եվրո հավելյալ բոնուսներ վճարել օլիմպիական և պարալիմպիկ խաղերում ներգրավված մի քանի կատեգորիայի պետական ծառայողների համար:
Փարիզի Օլիմպիական խաղերը տեղի կունենան հուլիսի 26-ից օգոստոսի 11-ը, Պարալիմպիական խաղերը՝ օգոստոսի 28-ից սեպտեմբերի 8-ը։
