Ֆրանսիայում ահաբեկչություններ նախապատրաստելու կասկածանքով մի քանի մարդ է ձերբակալվել
Ֆրանսիայի իրավապահները վերջին օրերին մի քանի մարդու են ձերբակալել՝ Օլիմպիական խաղերի ժամանակ ահաբեկչություններ նախապատրաստելու կասկածանքով։ Այս մասին BFMTV հեռուստաալիքի եթերում հայտարարել է Ֆրանսիայի ներքին գործերի նախարար Ժերալդ Դարմանինը։
«Ահաբեկչական սպառնալիքը մնում է չափազանց լուրջ: Մենք վերջին մի քանի օրվա ընթացքում չենք հրապարակել այն, քանի որ նախընտրական քարոզարշավի մեջ ենք, բայց մենք ձերբակալել ենք մարդկանց, ովքեր կարող էին ահաբեկչական հարձակումներ ծրագրել և իրականացնել», – ասել է Դարմանինը:
Ներքին գործերի նախարարության ղեկավարը չի նշել կասկածյալների ստույգ թիվը՝ ասելով միայն, որ երկու տարբեր վայրերում մի քանի ձերբակալություններ են եղել։ Դրանցով զբաղվում է ֆրանսիական դատական համակարգը, հավելել է նա:
