Զելենսկին Ռուսաստանի հարցով պահանջով դիմել է ԱՄՆ-ին
ԱՄՆ -ը պետք է թույլ տա Ուկրաինային ամերիկյան հրթիռներով հարվածներ հասցնել Ռուսաստանի տարածքում գտնվող ռազմական օդանավակայաններին, պնդում է Վլադիմիր Զելենսկին Philadelphia Inquirer-ին տված հարցազրույցում:
«Պետք է այսօր մեզ հնարավորություն տալ ATACMS հրթիռներով խոցել Ռուսաստանի տարածքի խորքը», - հայտարարել է նա:
Զելենսկին նաև անբավարար է անվանել ԱՄՆ նախագահ Ջո Բայդենի որոշումը՝ թույլ տալ Ուկրաինայի զինված ուժերին հարվածել Ռուսաստանի տարածքին, որը սահմանակից է Ուկրաինային։
Նախագահ Վլադիմիր Պուտինը մայիսի վերջին հայտարարել էր, որ ՆԱՏՕ-ի երկրների ներկայացուցիչները պետք է իրենց հաշիվ տան, «ինչի հետ են նրանք խաղում», երբ խոսում են Կիևին թույլ տալու պլանների մասին՝ Արևմուտքի կողմից Ուկրաինայի զինված ուժերին փոխանցված հրթիռային համակարգերով հարվածներ հասցնել «լեգիտիմ թիրախներին» դեպի Ռուսաստանի տարածք:
Ինչպես նշել է մամուլի քարտուղար Դմիտրի Պեսկովը, դաշինքի երկրները գիտակցաբար դուրս են գալիս լարվածության նոր փուլ՝ հրահրելով Ուկրաինային շարունակել անիմաստ պատերազմը։ Դա անխուսափելիորեն կունենա իր հետևանքները և, ի վերջո, մեծ վնաս կհասցնի այն երկրների շահերին, որոնք գնացել են հակամարտության սրման ճանապարհով, ընդգծել էր նա։
