ՄԱԿ-ը Իսրայելին ծանուցել է Գազայում մարդասիրական գործողությունները դադարեցնելու պլանների մասին
ՄԱԿ-ի բարձրաստիճան պաշտոնյաներն իսրայելական կողմին հայտնել են Գազայի հատվածում հումանիտար գործողությունները դադարեցնելու ծրագրերի մասին, քանի դեռ անվտանգային իրավիճակը չի բարելավվել: Այս մասին հայտնում է Associated Press-ը:
Իսրայելի պաշտոնյաներին ուղարկված նամակում ՄԱԿ-ի ներկայացուցիչները, ի թիվս այլ բաների, պահանջում էին «ուղիղ կապ» միջազգային կազմակերպության անձնակազմի և Գազայի հատվածում գործող իսրայելական զինվորականների միջև։
Մինչ ՄԱԿ-ի մարդասիրական գործողությունները շարունակվում են, երկու կողմերն էլ բանակցություններ են վարում:
2023 թվականի հոկտեմբերի 7-ին ՀԱՄԱՍ–ը հարձակվեց Իսրայելի վրա։ Ի պատասխան՝ իսրայելցի զինվորականները Գազայի հատվածում ռազմական գործողություն են սկսել ՀԱՄԱՍ-ի դեմ։
