Շոտլանդիայի Գլազգո քաղաքից ոչ հեռու ուժեղ հրդեհ է տեղի ունեցել արդյունաբերական տեղամասում, որին հաջորդել են մի շարք պայթյուններ։ Այս մասին հայտնում է բրիտանական Sun թերթը։

Ինչպես նշվում է, հրշեջները մեկնել են Գլազգոյի մոտ գտնվող արդյունաբերական տարածք: Ականատեսների վկայությամբ՝ հրդեհի ֆոնին մի շարք պայթյուններ են լսվել։ Օբյեկտի շրջակայքի ճանապարհները շրջափակվել են ոստիկանության աշխատակիցների կողմից, փոխանցում է «ՌԻԱ Նովոստին»։ Տեղի բնակիչներից մեկն ասել է, որ հրդեհի տարածքն աստիճանաբար մեծանում է։ Ըստ երևույթին, շտապօգնության ծառայությունները դեռ չեն կարողանում հաղթահարել հրդեհը։