Նույնիսկ Կիևի ռեժիմում, հավանաբար, կգտնվեն ավելի սթափ գլուխներ. Պեսկով

ՌԴ նախագահի մամուլի քարտուղար Դմիտրի Պեսկովը վստահ է, որ Ռուսաստանի առաջնորդ Վլադիմիր Պուտինի առաջարկած խաղաղ նախաձեռնությունները ուշադիր կդիտարկվեն, և նույնիսկ Կիևի իշխանությունների շրջանում «սթափ գլուխներ» կգտնվեն:

Նա ուշադրություն է հրավիրել այն հանգամանքի վրա, որ Ուկրաինայի հարցով Շվեյցարական խորհրդաժողովում, որը տեղի է ունենում այս հանգստյան օրերին, չեն փորձում խաղաղ կարգավորման ուղիներ գտնել՝ հաշվի առնելով բոլոր կողմերի շահերը:

«Իսկ այստեղ խոսքը նախագահ Պուտինի խաղաղ նախաձեռնության մասին է։ Ես կասկած չունեմ, որ այն պետք է շատ ուշադիր դիտարկել. և նույնիսկ եթե այնպիսի քաղաքական գործիչներ, ինչպիսիք են Ուկրաինայի նախագահ Վլադիմիր Զելենսկին, փորձեն հրապարակավ հրաժարվել նման նախաձեռնությունից, նույնիսկ Կիևի ռեժիմում, հավանաբար, կգտնվեն ավելի սթափ գլուխներ, որոնք տասն անգամ կմտածեն՝ արժե սպասել, թե երբ պայմաններն էլ ավելի կվատթարանան»,-ասել Է Պեսկովը։