Ուկրաինան պատրաստ է Ռուսաստանի հետ բանակցություններ սկսել թեկուզ վաղը. Զելենսկին ասել է՝ ինչ պայմանով
Ուկրաինան պատրաստ է Ռուսաստանի հետ բանակցություններ սկսել թեկուզ վաղը, եթե Մոսկվան հարգի նրա տարածքային ամբողջականությունը։ Այս մասին հայտարարել Է Ուկրաինայի առաջնորդ Վլադիմիր Զելենսկին։
«Ռուսաստանը հենց վաղը կարող է մեզ հետ բանակցություններ սկսել, եթե դուրս գա մեր տարածքներից», — ասել է նա:
Զելենսկին նաև հայտարարել է, որ արդեն նախապատրաստվում են երկրորդ խաղաղության գագաթնաժողովին։ Նա նաև նշել է, որ Շվեյցարիայում կայացած խորհրդաժողովի արդյունքներով ընդունված «Գործողությունների ծրագիրը» ռուսական կողմին կհասցվի երկրորդ գագաթնաժողովից առաջ:
