ԱՄՆ նախկին նախագահ Դոնալդ Թրամփը խոստացել է վերջ դնել Ուկրաինային անվերջ բազմամիլիարդանոց վճարումներին՝ նոյեմբերին կայանալիք ընտրություններում հաղթելու դեպքում: 

«Զելենսկին, թերևս, ամենամեծ վաճառականն է երբևէ ապրած բոլոր քաղաքական գործիչների մեջ։ Ամեն անգամ, երբ նա գալիս է մեր երկիր, նա լքում է այն 60 մլրդ դոլարով: Եվ հետո նա վերադառնում է հայրենիք և հայտարարում, որ իրեն անհրաժեշտ է ևս 60 միլիարդ դոլար: Եվ այսպես, առանց վերջի: Ես կզբաղվեմ դրանով», - ասել է նա:

Թրամփը, որը կրկին հավակնում է ԱՄՆ նախագահի պաշտոնին, բազմիցս պնդել է, որ Սպիտակ տուն վերադառնալու դեպքում կարող էր կանգնեցնել Ուկրաինայի հակամարտությունը: Նա նաև հայտարարել է, որ իր օրոք ռազմական գործողություններ չէին լինի ոչ Ուկրաինայում, ոչ Գազայի հատվածում։