Վաշինգտոնը պատրաստ է սիրախաղ անել․ Պեսկով
Վաշինգտոնը պատրաստ է սիրախաղ անել նեոնացիստների հետ, և դա հաստատում է նեոնացիզմի գաղափարների տարածման հետ կապված ՌԴ մտավախությունների հրատապությունը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:
«ԱՄՆ-ն պատրաստ է նույնիսկ նեոնացիստների հետ սիրախաղ անելու։ Դա եւս իր հերթին հավելյալ անգամ հաստատում է աշխարհում նեոնացիզմի գաղափարների տարածման նման միտումների հետ կապված մեր մտավախությունների հրատապությունը», - ասել Է Պեսկովը՝ պատասխանելով «Ազովին» զենք մատակարարելու արգելքը վերացնելու ԱՄՆ վարչակազմի որոշման նկատմամբ Կրեմլի վերաբերմունքի մասին հարցին:
ԱՄՆ վարչակազմը հանել է ուկրաինական ազգայնական «Ազով» գումարտակին զենք մատակարարելու արգելքը, ավելի վաղ հայտնել էր Washington Post թերթը ՝ վկայակոչելով պետդեպարտամենտը:
