Իրանի հետ համաձայնագրի նախապատրաստումը ժամանակավորապես դադարեցվել է. ՌԴ ԱԳՆ
Ռուսաստանի և Իրանի միջև համապարփակ համագործակցության համաձայնագրի շուրջ աշխատանքի գործընթացը կասեցվել է, սակայն ժամանակավորապես։ Այդ մասին РИА Новости–ին հայտնել է ՌԴ ԱԳՆ ասիական երկրորդ վարչության տնօրեն Զամիր Քաբուլովը։
«Գործընթացը, իհարկե, դադարել է իրանցի գործընկերների հետ ունեցած խնդիրների պատճառով»,- ասել է Քաբուլովը։
Գործակալության զրուցակիցը նշել է, որ չի կասկածում, որ համաձայնագրի շուրջ աշխատանքները կավարտվեն։
Ավելի վաղ ՌԴ ԱԳ նախարար Սերգեյ Լավրովը Իրանի արտգործնախարարի պաշտոնակատար Ալի Բաղերիի հետ քննարկել է նոր համապարփակ համագործակցության համաձայնագրի տեքստի վրա աշխատանքի ավարտը։
